The Fairy-Rade

The _Fairy Rade_, or procession, was a matter of great importance. It took place on the coming in of summer, and the peasantry, by using the precaution of placing a branch of rowan over their door, might safely gaze on the cavalcade, as with music sounding, bridles ringing, and voices mingling, it pursued its way from place to place. An old woman of Nithsdale gave the following description of one of these processions:

"In the night afore Roodmass I had trysted with a neebor lass a Scots mile frae hame to talk anent buying braws i' the fair. We had nae sutten lang aneath the haw-buss till we heard the loud laugh of fowk riding, wi' the jingling o' bridles, and the clanking o' hoofs. We banged up, thinking they wad ride owre us. We kent nae but it was drunken fowk ridin' to the fair i' the forenight. We glowred roun' and roun', and sune saw it was the _Fairie-fowks Rade_. We cowred down till they passed by. A beam o' light was dancing owre them mair bonnie than moonshine: they were a' wee wee fowk wi' green scarfs on, but ane that rade foremost, and that ane was a good deal larger than the lave wi' bonnie lang hair, bun' about wi' a strap whilk glinted like stars. They rade on braw wee white naigs, wi' unco lang swooping tails, an' manes hung wi' whustles that the win' played on. This an' their tongue when they sang was like the soun' o' a far awa psalm. Marion an' me was in a brade lea fiel', where they came by us; a high hedge o' haw-trees keepit them frae gaun through Johnnie Corrie's corn, but they lap a' owre it like sparrows, and gallopt into a green know beyont it. We gaed i' the morning to look at the treddit corn; but the fient a hoof mark was there, nor a blade broken."